القصيده :تروح الدروب منين وإلا تجي من وين
تروح الدروب منين وإلا تجي من وين = ياوجدي وياطول إنتظاري ويا صبري
تعرف الغلا اللي مايقسم على قلبين = الكلافه وشقّ من المسافه على العبري
شمالية المثناة شرقية العينين = جنوبية الإحساس نجدية الكبري
لا مرت تهادى قلت تاطي لها في طين = خطواتها وحده عن الثانيه شبري
سواة اللي أكبر من خوانه بخمس سنين = يقول اتحدى منكم أحد يجي كبري
احلي بها غفلً : طبايع / ورق / وزين = من الوضح مهديها عريني على جبري
معرضةً خلاف المغاتير معا ثنتين = يبا يدخلنّ وجافلاتً من الكبري
وأنا لا جفلت وقالت أنا ماغير اثنين = اقول : استحي وتقول : منتب على خبري !
تقرب شوي شوي واشعر بنفسي لين = تلاقن يديني ورى عودها المبري
واتمتم لها واشّر على حبتين التين = ليا مت حطيهن نصايب على قبري
