القصيده :حبيب الشعب
شاعـر قـام مــن منـفـاه بالغـربـه=
وابـتـهـل لله وحـيــا رســــول الله
هزته دمعـة طاحـت علـى التربـه=
من مشاعر حبيب الشعب عبدالله
المشاعـر خطاويهـن علـى دربــه=
لــو يتـيـه الـدلـيـل بـهـيـت تـدلــه
والقصايـد معودهـم عـلـى قـربـه=
كـل مــا مـيـل عقـالـه تمـيـل لــه
صب صافي غلاه لشعبـه وشربـه=
والتحم واتفـق بعضـه علـى كلـه
كـنــه يـنــوه بـحـبـه وبـنــذر بـــه=
ولحـد بسبتـي يخـرج عـن المـلـه
وش تـقـول القـلـوب وتـعـبـر بـــه=
عـن جبـلـه ولاهــي بـايـة جبـلـه
الـفـؤاد العفـيـف ونفـسـه الـذربـه=
من رضا وجهه ومـن طبعـه ودلـه
كــل طـيــب عمايـمـنـا تعـطـربـه=
نفحـة مـن شـذى ريحانـه وفـلـه
وكـل فـال صـبـاح الخـيـر ناحـربـه=
طلـة مـن حجاجـه حـي هالطلـه
وكل خطوة من اقدامه فرج كربـه=
وكل كلمه من لسانه شفى عله
الوطن من مشارق شرقـه لغربـه=
واحـد فـي ذرا بشتـه وفـي ظـلـه
مـن نـواه بعبـث وابلـيـس غـرربـه=
علمـه يـا زمــان ويــا وطــن قـلـه
يرفع الصوت أبو متعب ويجهـر بـه=
وانتحـاذف مـن النخـوه ونقبـل لـه
رؤوسنـا القنبلـه وكبودنـا الحـربـه=
والله انــه فـمـان الله مــن الـذلــه
يا تضاريس الأرض العذر يعـذر بـه=
كـل وقـت لـه عـصـره ولــه حـلـه
اسمعيني وانـا العايـد مـن الغربـه=
بآخـر العلـم و آخـر مـا توصـل لــه
الـبـحـر لا يـعــرض نـافــخ ذربــــه=
لــو تكـاثـر بـيـن ايـديــه يـــا قـلــه
والسماء ليلة سهيل يتمخطـر بـه=
وده يـهـيـن وجـــه الأرض ويـذلــه
قال : جب للثرى شيء يتفاخر به=
قلت قبري النبي ودمـوع عبـدالله
