الدمع يغسلني من ذنوب الهوى يوم البروق=تبرق بقلبي والسحاب تهل عيني ماطره
ياوجد حالي لا انتحى الطاري وانا يمه شفوق=وعرفت كم له مبعداً عني وكم لي ناطره
جريت من حر التواسي والمآسي والطروق=صوت ابدويً صاح لبله وجذبتها فاطره
ياقلبي اغرق في سبات الحلم عنه ولاتفوق=الا بعرقاته لياتعاقبت مخاطره
لك صاحبً كيته ماتلهي وجرحه مايعوق=وقلبه حصاةً من جبال ابها وكفه شاطره
انقدر الله ذات يوم وخانتك بعض الوفوق=واركبت نفسك في القطار وغايتك في القاطره
تقبل الدنيا بما جتبه تروق أو ماتروق =حظك ورزقك عند نشاي السحاب وفاطره
لو أن عيني دمعها مدرار وتحن وتتوق=في ذمتي ذمه ما ابادله الجفا واشاطره
حتى لو انه من يكون ومن سلالات وعروق=اللي ماقدر خاطري مانيب أقدر خاطره